Иванчо Горјанин


Иванчо Горјанин

Наместо биографија

Здраво,

Ви благодарам што ме посетивте овде. Дозволете да се претставам. Се викам Иванчо С. Горјанин и сум учител (сенсеи) во Школата за Каратедо и бушидо култура "ШУГОТЕНШИ" овде во Скопје, Македонија. Практикувам каратедо од како знам за себе поточно од својата 6та година и оваа моја авантура на мое задоволство трае.

Јас сум едноставен човек, вљубен во вештината, животот и светлината. Во целиот развоен пат на каратедо сум стекнал и сеуште го образувам своето искуство од светски реномирани учители, но сум најблагодарен на своите тукашни и први учители. Секогаш се стремам целото мое стекнатото знаење да го имплементирам и предадам на најдобар можен начин на сите што сакаат да учат и да се развиваат. Тука не се штедам. Го одам својот Пат. Искрено се надевам дека ќе имаме можност да се запознаеме лично и да поразговараме повеќе.

Сега сакам да ве запознаам со нашата Школа. Со помош на мојата нежна половина сега моја сопруга и со своите најблиски пријатели, оваа Школа стана стварност. Нивната верба во мене направи да се создаде "ШУГОТЕНШИ" (од јап. Ангел Чувар) Каратедо - Бушидо Школа и засега е единствена од својот вид во целиот регион, но и пошироко, по својата форма и начин на пракса. Именно, кај нас тренинзите/практикувањето на каратедо вештината се заснова на нејзината изворна самурајска форма во духот на Бушидо. Што значи нема спорстки и натпреварувачки карактер.

Вештината на Каратедо практикувана во нашата школа е пред се ментална дисциплина, отколку што е физичка. Кај нас е променет стандардниот начин на настава многу одамна. Нашите анализи покажаа дека доколку си дадеме на нашите нови јасни цели, ние многу подобро ќе се вклучиме во даден процес, нашите умови и невро-мускулни апарати ќе започнат да движат со далеку поголема продуктивност на работната сила која се стреми кон конкретно решение на секоја зададена и нова задача. Најважно во оваа вештина е да се научиме да бидеме свесни и точно да ни е во мисла сето она што го правиме. Само преку разбирање на нештата кои ги правиме и преку точна употреба на својата телесната сила, ние ќе успееме да постигнеме неверојатни резултати во целиот процес на нашата обука. Многу поефикасно и многу позабавно.

Каратедо е вештина наменета за култивирање на личноста и карактерот, а второстепено како вештина за самоодбрана.

Со практикување на каратедо, се изучува и усовршува самоконтрола, концентрација и фокус. сталоженоста, самодовербата, духот и храброста раснат во служба на јасни животни цели, и сето тоа проследено со одлична физичка и ментална кондиција.

Бушидо е неразделив дел од изворното карате. Се однесува на тој непишан самурајски морален кодекс, или ако сакате начин на живеење, втемелен во вештината на каратедо, или Патот на Празната Рака. Него седум фундаменти го одликуваат и истите не образуваат нас во денешни воини, урбани самураи. Тие се правда, храброст, милост, почит, искреност, чест, и лојалност, практикувани секојдневно во секој аспект на животот. Бушидо, или Патот на Воинот, ја образува менталната чистина на воинот.

“Шуготенши” е Основачки член на единствената во светот, буџитсу каратедо организација А.С.А.И и е предводена од почитуваниот шихан Кусаку Јокота.

Јас и мојата школа сме тука за Вас. Сите вие без разлика на вашата возраст и пол. Тука сме аа сите вас кои сакаате да се спознаете преку вештината на каратедо, за сите вас кои сакате да се пронајдат себеси, да се доживеете или надградите. Ние сме тука и Сите сте е добредојдени!

Искрено ваш,
Иванчо Горјанин - Осс во каратедо!

ОСТАНАТИИНСТРУКТОРИ

Sensei

Иванчо Горјанин

Сенсеи

Повеќе
Sensei

Наскоро...

Повеќе
Sensei

Наскоро...

Повеќе